（网摘）上海方言“竹笋拷肉”

姚波

上海方言“竹笋拷肉”
(2015-05-11 13:19:56)

老里八早辰光，江南有一位姓姚嘅县太爷，某县当县令，为政清正，当地有眼名气。而且审案子蛮诙谐。

当时，从远方来了一个道士，号称能预知未来，迷惑了交关当地人。姚县令听到了，就叫‘手底下’去传道士到衙门来，就讲是县官太太要问点事体。道士一听县官老爷有请，生意来了，送铜钿银子来了，跟仔衙役马上就来了。

姚县令迎出来，叫坐，坐仔蛮长一歇，姚老爷突然问：“道长，我请侬啥事体？”道士讲：“是太夫人有事体要问，我晓得了啊”。姚老爷讲：“我请侬呒啥事体，就是请侬喫‘竹笋拷肉’”。讲光嘅句，叫左右捉牢道士拖到衙门台阶前面，一支令箭下去“四十大板”打得道士屁股开花。四十大板打好了，姚老爷问道士：“侬晓得我再要打否啊？”。道士哭出呜啦哀求：“青天大老爷，一定是勿再打了”。姚老爷惊堂木一拍：“再打四十大板”。四十大板夯好，姚老爷惊堂木又一拍：“侬勿是晓得未来事么，哪能勿觉着我再要打侬？妖言惑众，罪至于死，饶侬初到此地，误触禁令，亦勿深咎，豪稍滚蛋，勿要逗留。”判停当，命衙役放脱道士。

上海方言里厢“竹笋拷肉”就是“喫屁股”，“打屁股”，侬晓得否啊？